雖然寓所遭爆竊，但Paris的心情似乎未受影響，前日繼續與模特兒男友River Viiperi在西班牙伊維薩島出海暢遊，更穿上比堅尼騷纖瘦身材，二人又在遊艇上忘情咀嘴，好不煙韌，Paris更留言大讚開心假期：「今日揸快艇又鍊車，過咗興奮驚險嘅一日，好愛呢個島啊！」似乎已忘記黑仔事件。據悉她近日為宣傳一系列派對活動而穿梭歐洲各地，包括拉脫維亞和西班牙，更上載於西班牙夜店客串DJ打碟的露背照，寓工作於娛樂，夠晒識歎！
