冰兒畀人點9千萬次

泳兒前日在銅鑼灣舉行新碟祝捷會，數十名Fans到場祝賀並獲得偶像的親筆簽名海報。當她得知歌曲在卡拉OK的點播率多達約9千萬次後，即笑不攏嘴地說：「如果係戶口數目就好喇！可以買幾層樓！」又笑言幸好Fans接受她轉形象：「好開心有好成績，今次行小性感都幾大轉變，好彩大家都受落，可能下隻碟再繼續！（再性感啲？）底線低啲啲啦！今次露腿，下次露背囉！事業線就要睇件衫。」

泳兒又表示想搞遊船河派對慰勞工作人員，問到會否以三點式示人，她笑說：「如果記者唔喺度都OK嘅！」身材一向有料的她又謙稱未夠資格出寫真：「唔敢出呀！大把人身材勁過我，太多強勁對手，都係做番內在性感得喇！」

提到新加盟英皇的張敬軒，泳兒即表示想和對方合作，又大讚軒仔好人：「我初入行嘅時候，佢係我第一個Mini Concert嘅嘉賓，新人好難請嘉賓o架！」

當軒仔男子漢

問到是否變了軒仔師姐，她說：「佢係我前輩！（定係小師妹？）我一向冇懷疑過佢傾向。（一直當佢女人？）當佢係男子漢大丈夫，係好男人！」此外，日前泳兒又率領師弟組合BOX到北京演出，一同演繹迪士尼的經典歌曲。