LuLu一償當機師心願，揸飛機似模似樣。

無綫劇集《衝上雲霄Ⅱ》熱爆全城，o靚模王璐瑤亦希望一嘗在天空飛翔的滋味，她日前遠赴美國塞班島旁的天靈島，跟隨機師學揸小型飛機，並獲讚有潛質。

LuLu一償當機師心願，揸飛機似模似樣。

LuLu站在飛機前拍照留念，未出發先興奮！

機師大讚LuLu有潛質，令她十分開心。

受近期熱爆的無綫劇集《衝上雲霄Ⅱ》效應影響，o靚模王璐瑤（LuLu）上周五遠赴美國塞班島旁的天靈島學揸小型飛機，一圓天空夢。LuLu形容出發過程毫不簡單：「個島勁偏僻，因為香港冇直航機去，所以要先由香港去廣州，之後再轉機去塞班島，跟住再搭八分鐘小型飛機到天靈島，成個過程差唔多要十個鐘o架！」

機師讚有潛質

完成歷時三十分鐘小型飛機飛行課程的她，竟笑言揸飛機猶如打機，好玩又簡單：「原來揸飛機好似打機咁，勁好玩！架飛機有個類似標靶嘅物體，我淨係需要對準佢嚟穩定方向，如果佢郁歪少少，我就移番向左或者向右就得，當然全程要非常專心，所以學咗半個鐘就已經好攰喇！」她又透露獲機師大讚有潛質當飛機師。問到是否想轉行？LuLu笑說：「都想o架！最近模界太多人鍾意互寸，如果可以嘅話，我真係寧願喺天空上面飛，去欣賞吓世外桃源好過！」