陳凱琳於志偉手中接過「最受傳媒歡迎佳麗」獎。

二十位候選香港小姐昨日在將軍澳電視城出席活動，佳麗先後作自我介紹，而首次見佳麗的星級導師曾志偉上台頒獎時，被崔建邦問到覺得佳麗質素怎樣？志偉竟玩「唱衰」：「選美好多黑幕，未到最尾一日都唔知邊個。今年真係似晒港姐口號『超越我想像』，諗唔到係咁嘅樣，今日呢啲甩皮甩骨，冇所謂，未見慣傳媒啫！」被狂踩的佳麗惟有以笑掩飾尷尬，事後志偉說：「嚇吓佢哋！將佢哋推落谷底，先容易有進步。」

陳凱琳於志偉手中接過「最受傳媒歡迎佳麗」獎。

令志偉「超越想像」的，未知是否包括(11)吳瑋雯呢？

劉佩玥（左）與歐陽巧瑩合照冇尷尬。

「是非佳麗」(13)歐陽巧瑩被問到再有親密照流出，她說：「我從來冇影過出嚟唔舒服嘅親密相，咀相都冇。」(6)劉佩玥在台上指覺得着三點式是大挑戰，她否認暗寸歐陽巧瑩豪放地將泳衣照撒網：「每個人有唔同性格，有啲Open，有啲保守。」廣東話不正的(9)劉溫馨自認面油多：「我會照多啲勁（鏡），Cut（吸）一Cut（吸）油。」同場獲頒「最受傳媒歡迎佳麗」獎的(17)陳凱琳自信大增，坦言望奪后冠。