張致恒自爆曾集體「爆格」，並勇於認錯。

被「漏M模」孫旗大爆陳年性史的張致恒，繼早前承認當年玩一夜情後，他再自爆曾集體「爆格」並負責接賊贓，最後被捕，他強調自己是反面教材。

張致恒自爆曾集體「爆格」，並勇於認錯。

「漏M模」孫旗早前大爆當年與張致恒的性史，被指博出位。（資料圖片）

組合BOYZ成員張致恒（Steven）早前被「漏M模」孫旗大爆陳年性史，更被指「o趙完鬆」兼劈腿，幸好Steven知錯能改，勇於承認當年衰鹹濕玩一夜情，更獲好友及粉絲大讚坦白勇敢。但Steven似乎「爆開有條癮」，昨日與小朋友出席活動時再次自爆一段不堪回首的年少經歷。

自認反面教材

Steven自言兒時因父母工作繁忙而疏於照顧：「我食垃圾、玩垃圾，成日整到周身傷晒。反而依家時下年輕人好依賴父母，有11、12歲嘅小朋友考試唔掂就去跳樓，社會實在有太多唔同嘅嘢渲染佢哋。」他又表示經常在教會分享年少無知的經歷：「我會同班青少年講唔好似我，我係一個唔好嘅人辦。細個好多曳嘢都試過，除咗吸毒。（溝女？）溝女就一定op架啦！係男人都會做。」

而最誇張的一次是與一班朋友集體「爆格」被捕：「十幾個人無啦啦話去『爆格』，當時打打吓波跟埋去，我係負責接賊贓，最後畀人拉晒上警署，我依家都後悔自己嘅過錯。」問到當年有否與「漏M模」孫旗拍床照，他避忌的說：「冇嘢講，唔再講啦！」