Coffee自爆發現子宮頸病變，立即入院做手術。

《衝上雲霄II》開播以來香艷場面成為話題，其中在沙灘胸壓馬國明，以比堅尼晒34D逼爆身材的林芊妤（Coffee）更是亮點之一。曾為「Sing之天使」之一的「雪梨」Coffee笑言怕被馬國明粉絲罵，並大讚他a是正人君子：「拍時佢目不斜視，拍之前仲細心解釋話會掂到我。」

Coffee自爆發現子宮頸病變，立即入院做手術。

劇接劇的Coffee原來於兩、三個月前接受身體檢查時，發現子宮頸病變，即是子宮頸癌前期，故立時停工休養：「中咗兩隻子宮頸高危病毒，當時好驚，即刻入院做手術，切除子宮壞死組織，好彩唔影響生育。依家淨係希望唔好惡化成Cancer，因為仲有復發嘅機會，好在公司體諒，畀我放咗個幾月假。」

其後，Coffee拍攝《My盛Lady》時，因手術傷口感染突然出血：「當時流好多血，唔敢同工作人員講，後來監製知道都好緊張，即刻安排同事陪我走，多謝佢哋體諒，依家接少咗Job，同埋要去醫院Check，希望唔會再有事。」