除設定香港為「作戰」背景外，《變4》片早前還大規模邀請華籍演員參與，除落實內地女星李冰冰及內地男星韓庚演出外，更首度以公開招募方式選拔4名配角，吸引7萬人慕名而來，包括內地型男黃曉明、陳坤、台灣男星何潤東、趙雅芝細仔黃愷傑及周秀娜師妹劉音等。

多位參賽者已積極備戰，其中有傳呼聲最高的黃曉明，已聘請老師惡補英語。曾透露已順利通過第一關的何潤東，現時仍在等消息：「寄咗Video，依家等緊消息。（想做動作型男？）導演話有另外嘅角色準備畀我，但未知係咩。」而黃愷傑暫時票數最高，其父黃錦燊說：「仲等緊，有得揀動作型男或技術宅男呢兩個角色，但未必參與到，因為有其他導演搵佢拍戲。（可惜？）唔會，後生仔大把機會。」他指劇組很神秘，只知配角部分有機會在9月或10月拍攝。