Mandy求愛心切，希望大家介紹男友給她。

名模Mandy Lieu與台灣藝人陳柏霖甩拖後一直單身，昨日她現身商場活動時否認復合，又表示與緋聞男友金剛只是朋友，Mandy更叫傳媒介紹男友，看來「久旱」多時的她也心急拍拖。

Mandy求愛心切，希望大家介紹男友給她。

龍小菌否認邵子風是其男友。

陳爽（左）與張家瑩穿大露背裙鬥搶鏡。

Alice B.上圍豐滿，在台上大擺甫士。

名模Mandy Lieu、歌手龍小菌、前亞姐張家瑩、藝人陳爽及模特兒Alice B.昨日為《apm八周年x小飛俠．阿童木放送50周年祭Ohya時裝秀》擔任模特兒，當中以中門大開的Alice B.最性感，而陳爽與張家瑩則穿露背裙搶鏡。

Mandy被問到最近傳與舊愛陳柏霖復合，她反問：「係咪你作o架？梗係唔係。（仲有冇聯絡？）有，但我最近好忙。（快啲搵個男友，就唔會傳復合啦。）等你哋介紹。（金剛啦！）似乎大家好鍾意金剛，佢係你哋夢中男友，哈哈！（你唔接受佢？）冇，同佢係朋友。（佢為咗你喺獎門人節目度食晒啲刨冰。）佢真係好有風度又風趣。」Mandy又表示將成為姑媽，但就嫌稱呼老氣。

Alice B.心「胸」廣闊

衣着密實的龍小菌透露首次行騷：「我唔想露肉，唔會因為露肉而籌多啲錢，係設計師遷就我而設計。（係咪緋聞男友兼經理人邵子風唔畀你性感？）我冇男友，即刻介紹個嚟！」

另外，Alice B.早前因母親患病而抑鬱消瘦，但上圍依然豐滿的她笑說：「我依家個胸大咗，可以着到件衫，我OK啦！（你回復正常體重未？）我唔知，但你哋下次見我，我個胸會更大。（依家心情點？）我愈嚟愈堅強，媽咪病情都係咁。」