細細粒（左）與朱璇捧着美食，相當開心。

「細細粒」陳嘉佳（小寶）近期與黃宗澤（Bosco）合作拍新劇《貓屎媽媽》，她昨日在粉嶺中心出席《有營生活同樂日》活動時表示，Bosco教食雞減肥，結果她五日食足廿多件烚雞扒，體重增加1磅，故找Bosco算帳，卻被對方取笑：「佢話要食雞胸，仲笑咗我成日，喺廠度不停叫我『雞扒妹』！」同場的朱璇則表示13歲時體重130磅，拍電影《淚王子》時曾一周減10磅。

細細粒（左）與朱璇捧着美食，相當開心。

Bosco力撐杏兒冇拖低收視。

此外，Bosco昨日出席《麥當勞開放日》記者會，自稱中西餐都識煮，最叻煮海鮮，問到會否找識下廚的女友？他說：「唔使，我識煮，我發覺廚房不能一山藏二虎，每次同媽咪煮嘢都會鬧交。」談到參演《衝上雲霄II》的前女友胡杏兒甫出場收視即跌，他指是巧合。對於有指黃智雯與有米男撐枱腳，曾跟她合拍《好心作怪》的Bosco則恭喜對方。