鄧穎芝至愛陽光與海灘，到泰國度假至享受。

歌手鄧穎芝（Vangie）近年四出旅遊，早前趁「巨聲幫」男友林師傑25歲生日，拍拖到泰國芭堤雅慶祝，她說：「每朝食完早餐都去游水同曬太陽，真係水清沙幼。（着三點式？）係呀！」她以「勁開心」形容此行：「每日都係食、瞓、玩。去咗五日重咗五磅，依家好努力打波、跑步減肥。」

鄧穎芝至愛陽光與海灘，到泰國度假至享受。

鄧穎芝

又玩又食，難怪鄧穎芝增磅返港。

由於入住的酒店面對無敵大海景，Vangie大讚：「個景真係好靚，第一時間拍片放上社交網，最正係推開露台門就可以跳落水，邊浸喺水邊歎果汁，簡直係最大享受。」她還大方透露送了一個型仔背囊給男友做禮物。