玉背任睇的高Ling，對泳衣騷無任歡迎。

無綫咪神高海寧（高Ling）昨日到旺角出席《ALCATEL ONE TOUCH SCRIBE HD 8008D手機發布會》，她穿緊身露背裙大騷身材，吸引大批途人及龍友喪影。提到最近有手機爆炸，她表示以前會放手機在枕頭底，事後母親叫她放地下：「我好鍾意用手機煲劇，好在可以用Wi-Fi駁去電視睇劇，唔怕手機過熱，我係電話殺手，曾經一星期內跌爛三部電話，試過跌咗落馬桶。」

玉背任睇的高Ling，對泳衣騷無任歡迎。

高Ling透露最近密密接騷，問到會否行泳衣騷，她笑說：「未收到邀請喎！我價錢合理o架！（身材？）Ready！之後會做個沙灘排球活動但唔係着泳衣，費事打打吓波跌晒出嚟！」