張智霖「封盤」冧老婆 對靚靚死心塌地

「Cool魔」張智霖（Chilam）昨日出席好友蘇志威主理的男士服裝專門店開幕禮，Chilam表示二人相識二十年，不少重要時刻亦在場。提到因《衝上雲霄II》再人氣急升的他獲不少公司招手？他說：「會傾吓。（唔續Neway？）未知。」至於有指陳曉東將入Neway？Chilam大讚對方是實力歌手，自己則「唱到攰」想抖抖。近日有報道指太太袁詠儀（靚靚）箍實他？Chilam笑說：「要箍廿年前做咗，我封咗盤，對佢死心塌地。（財政老婆揸弗？）財政獨立。（揸住你個心就夠？）係呀！」有傳郭富城新女由他介紹，他澄清不認識對方，只曾拍過一次戲。