Lavina澄清冇收錢搞「飯局」

o靚模鍾蕙芝（Lavina）與前亞視小花陳綺雯（Aki）前晚現身動漫節活動，提到被指做中間人搞「飯局」，Lavina自言冇能力兼無奈，指當日的生日會內，不少藝人均認識壽星：「將咁Pure嘅生日會寫到咁Dirty！我冇收錢亦冇嗌人去，做Model喺圈中人微言輕，希望大家尊重我。當日喺餐廳外都有合照、傾偈，如果係飯局就唔會咁張揚！」另一有份去「飯局」的王璐瑤（LuLu）昨日宣傳寫真時亦急急澄清，聲言「一毫子都冇收過」及「冇應酬任何人」，並指主人家是與仙樂都（YoYo）相識多年的深水埗牙醫：「YoYo同佢熟啲，所以叫成班人去撐場，其他人有冇收錢我唔知，但我同YoYo一定冇！」