翟威廉最愛收藏科學書，小心悶親心儀對象喎！

俗語常說「肌肉發達，頭腦簡單」，但前港男翟威廉卻不同意這說法，活潑好動的他透露私底下愛收藏科學書：「雖然我讀文科出身，但大學偶然間睇咗本科學書叫《空想科學》，裏面講嘅理論非常得意，吸引咗我！」翟威廉收藏科學書已達八年，收藏品足足有三十多本，連母親對其奇怪嗜好亦感詫異！

翟威廉最愛收藏科學書，小心悶親心儀對象喎！

問到為何不當科學家？不諳數學的他表示從沒想過：「但生活上都有唔少幫助，例如有時拍戲講起『蝴蝶效應』等主題，自己都會理解得深啲，仲可以解釋畀同事聽個理論係點。我拍劇都會睇片種同製作，希望可以同科學有少少關聯。」不過，科學未能成為他追女仔的其中一種工具，他指女友人有時會讚他似乎很博學，但聽得太多便會悶：「所以我都唔多將科學掛喺口邊，費事突然變咗怪人啦！」