形象向來端莊的陸詩韻，私底下原來愛扮嘢。

前港姐亞軍陸詩韻主力做司儀，選美至今甚少演戲，從不以「演員」自居，她說：「我去參加選美成為香港代表，人前一定要端莊，無時無刻要顧及個人形象。做司儀後更加要保持成熟，講嘢會更有說服力，仲時刻畀人提醒唔可以喺人前扮鬼臉，其實我表情多多，屋企人由細到大都睇慣我個騎呢樣。」

形象向來端莊的陸詩韻，私底下原來愛扮嘢。

陸詩韻先伸脷，再擺出「瑪莉嘴」，大玩誘惑。

可惜百密總有一疏，不時被刊登騎呢樣的她說：「可能有人唔鍾意我，唔肉酸個樣都唔登，畀人登得最多係『瑪莉嘴』。」隨即做出「O嘴」樣：「佢哋成日問啲我唔識答嘅問題，我答唔到就「O嘴」，然後佢哋就寫我係『瑪莉嘴』。後來我問人乜係『瑪莉嘴』？佢哋話有個黃色吹氣公仔叫瑪莉，佢個嘴就係咁樣。」最近負面新聞多多的她先被寫做過伴遊，又被寫釣到金龜突然富貴，她無奈地說：「我依家只得一張哭喪臉。」