松岡李那高歌一曲宣傳自家漫畫新作，對被禁落攤位谷書感無奈。

日籍女模松岡李那昨日原定在動漫電玩節「跑兩場」宣傳新作，但其中在攤位舉行的一場被取消，但同日「肌模」趙勁皓則順利在攤位赤裸上身宣傳，松岡得知後連問三次點解。

松岡李那高歌一曲宣傳自家漫畫新作，對被禁落攤位谷書感無奈。

蔡恩真（右）為Girls Kingdom隊友松岡站台宣傳。

趙勁皓獲放生落攤位宣傳遊戲，還半裸上陣！

中川翔子搞握手會，有粉絲扮兔引偶像注意。

日籍女模松岡李那昨日聯同Girls Kingdom及靜香出席《2013第十五屆香港動漫電玩節》活動兼宣傳漫畫，松岡即場獻唱一曲，逾百名粉絲支持。她原定下午在攤位的宣傳活動突然取消，好友王友良表示收到主辦單位通知，所有藝人不可在攤位宣傳以免混亂，但新一代「肌模」趙勁皓（King）則順利在攤位完成宣傳，松岡得知後激動地說：「Why？點解？點解？我都好想睇自己本漫畫o架！」

提到漫畫新作中有月亮圖畫被指有鬚，與緋聞男友林德信相似，松岡甜笑說：「都係呀！仲有太陽同樹，手拖手好似做舞台劇咁，但今日冇請佢嚟。」對於日本女優蒼井空經理人借神級女優宣傳的言論，松岡說：「其實大家都受歡迎，但日本藝能界分得好清楚，山口百惠同蒼井空係唔同類別嘅藝人，唔可以比較。」

中川翔子獲百人撐場

對於松岡活動被取消，昨日在攤位赤裸上身宣傳遊戲的King說：「唔知大家活動性質有咩唔同，只係知我順利完成咗。」活動上，他突然自爆有心儀對象：「佢係圈中新人好清純，細過我，我鍾意冇乜身材。佢同我個英文名頭一個字母一樣（K）。」問到會否擔心劉老闆失望？他表示與對方仍有聯絡，指對方希望見面，可惜時間未能配合：「大家網上有傾偈，佢係正常男人，對我有好感唔排除係想做好朋友。」此外，日本女歌手中川翔子昨日亦在動漫節專區舉行握手會，逾百名粉絲排隊支持。她透露香港模特兒中只認識Angelababy，又讚成龍友善親切，希望與他合唱。