Cecilia跳辣舞挑逗，面具男仲唔暈晒大浪！

剛推出寫真的o靚模組合FFx前晚於夜店舉行簽名會，六名成員以性感現身，隊長鄒莉盈（Cecilia）與Crystal則對着一名戴面具的粉絲跳Sexy Dance並親吻對方。其後，Cecilia抄黃榕橋送出曾穿着的比堅尼，中獎者「似曾相識」，並即場將泳褲笠頭，原來兩次「幸運男粉絲」是同一人！

Cecilia跳辣舞挑逗，面具男仲唔暈晒大浪！

FFx抄橋送比堅尼，「咁蹺」又係黃榕粉絲中獎。

Cecilia受訪時表示寫真已出售1,000本，對成績感滿意，又指與聲稱日賣24,000本寫真的人只屬小兒科，問到是否質疑他人銷量？她說：「人哋我唔知，我哋一定報實數。（銷量咁少怕唔怕下年冇得出？）我哋係第一次出寫真，下年會再進步。今次我哋唔喺書展搞簽名會，因為見到其他人太出位。（怕輸？）唔會咁鬥！亦唔會批評人。我哋目標係做藝人，公司唔畀我哋咁做，雖然我哋想咁出位。（諗過點做？）剝衫囉！着比堅尼。」還透露各人將演出微電影。