鍾舒漫撐緋聞男友張致恒夠勇敢，未有因醜聞而扣分。

鍾舒漫（Sherman）昨日出席活動時被追問緋聞男友張致恒（Steven）慘遭「漏M」o靚模孫旗大爆性史，她即讚Steven有勇氣承擔責任，問到是否成功「加分」？她直認不諱：「佢一向喺我心目中好高分。」

鍾舒漫撐緋聞男友張致恒夠勇敢，未有因醜聞而扣分。

衛詩雅即場拮手指驗血，痛到耷晒頭。

洪卓立自爆拍拖都試過曳曳，但不怕被爆性史。

鍾舒漫、衛詩雅與洪卓立（Ken）昨日出席公開活動，提到Steven日前大方承認曾與「漏M」o靚模孫旗玩一夜情，緋聞女友Sherman坦言已第一時間致電他：「好擔心佢心情，有Send訊息畀佢，佢話OK都放心。（覺得Steven勇敢？）係男人行為，好勇敢！（加分？）佢一向喺我心目中好高分。」由於「漏M模」還踢爆當年Steven曾與Sherman拍拖，Sherman說：「咁多年嘅嘢就唔好再講，佢夠話有打過畀我，我都冇同佢傾過偈，唔好攞嚟炒作。（係咪翻撻成功？）冇啲咁嘅事。」

洪卓立拍拖有曳曳

衛詩雅則毫不留情直斥「漏M模」可恥：「每個人做宣傳有唔同方法，但唔好傷害人，簡直可恥！（驚唔驚前男友爆性史？）我啲前男友好好，唔會做啲咁可恥行為。」她還透露是乙型肝炎帶原者，每半年定期檢驗。

乖乖仔Ken亦被問到怕不怕遭前女友爆性史？他笑說：「唔驚，有咩好驚！（信得過前女友？）冇嘢可以爆。」問到拍拖是否很「規矩」？他又笑笑口說：「咁都有曳嘅時候。（依家爆性耐力喎？）勁唔勁就見仁見智，總之就唔驚啦！（孫旗漏M博見報？）唔影響人咩？」