陳爽為老公變螢光棒

陳爽前晚與丈夫出席《狼人：武士激戰》首映禮，同場還有王敏德一家、賈思樂、張立基及Rosemary等。由於丈夫怕人多而先行入場，穿着艷麗的陳爽獨自受訪：「老公鍾意我着靚啲同佢出街，我照鏡覺得自己好似支螢光棒。今次係老公要我同佢嚟，佢話唔使我第日陪佢睇多次。」她又笑言夫婦睇戲品味差異很大：「我鍾意睇愛情浪漫電影，睇完可以回味，老公就鍾意科幻片，飛車、打打殺殺仲啱，佢比較冇耐性，通常我會就佢。」