方中信封思捷喼汁哥畀春卷點

藝人方中信前晚到海洋公園水族館宣傳代言手錶，考獲潛水牌十多年的他因活動前尚有工作，未能應大會要求化身潛水員落水。不過大會亦邀得李思捷緋聞女友王宝宝（春卷）穿上三點式示範手錶，並被方中信取笑她與緋聞男友李思捷的關係，將思捷改名為「喼汁哥」：「喼汁哥叫我見到春小姐同佢打聲招呼，問候吓佢喎！（人哋三點式呀！）後生女係幾好身材，唔係點會點喼汁啫！」近日電視劇吹起「熟男潮」，方中信自嘲是「謝男」：「花開到咁上下就塌塌哋，好似張智霖咁就啱啱好！（叫你除衫拍得唔得？）求之不得，唔係邊個知我有六舊腹肌！見證埋後面都得，好嘢梗係要畀大家睇啦！」