舊愛Avis緊張高呼： 咁大鑊？

儘管周秀娜與陳偉成（Avis）已分手半年，但Avis仍極之擔心舊愛傷勢，當得知娜姐在沖繩發生意外後，緊張得高呼：「嘩！咁大鑊？我哋雖然冇聯絡好耐，但真係擔心佢，聽到佢受傷，自己都唔開心！」他表示會致電問候娜姐，待娜姐回港後，他會盡量抽空探望：「受傷咁大件事，意外又唔係喺香港發生，唔知情況點，佢一返到香港我諗會過去探佢！」他還即時在微博上載多個合十圖案，留言「會冇事的」，祝福娜姐。