麥家瑜的新專輯中,絕大部分是講述失戀心情。

歌手麥家瑜(Keeva)因父親開錄音室的關係,小時候已認識不少音樂前輩,更自爆Beyond成員現時還以小時候花名「BB」來稱呼她。提到難忘事,Keeva透露陳奕迅曾為教好她表演時企定定,竟懶理歌神身份、紆尊降貴踎低捉實她的高踭鞋,令Keeva又驚又喜!

麥家瑜的新專輯中,絕大部分是講述失戀心情。

麥家瑜日前舉行簽唱會,喜獲關楚耀捧場。

麥家瑜自小已接觸不少音樂前輩。

麥家瑜小時候曾與不同樂壇前輩如Beyond、張學友等見面,她更自爆Beyond成員會以「BB」稱呼她:「有好多前輩都會嚟錄音室,其中好似Beyond咁,佢哋以前成日上嚟爸爸度錄音、夾Band。依家喺公開活動見到佢哋,我都會以哥哥稱呼佢哋,反而佢哋會叫番我細個花名『BB』,感覺好得意!冇諗過細個見到嘅哥哥,大個咗之後會一齊入行、一齊工作,感覺係好Close!」

新歌講述分手心情

提到最難忘的一次與前輩合作,Keeva不得不提剛入行時,在陳奕迅(Eason)2008年演唱會擔任嘉實,並同台合唱,她更憶起Eason在綵排期間,以「奇招」教她站台姿勢:「記得綵緋時,Eason突然喺我唱歌期間,踎低捉住我對高踭鞋,叫我唔好郁,搞到我當時好驚!唱完之後,佢就同我講:『到時正式表演,對腳就要咁!』Eason知我唱歌企唔定,所以就用呢個方法教我點企喺個舞台!」

Keeva入行5年,最近終於推出第二張個人專輯,而大碟中的歌曲大多都講述分手時的心情!問到Keeva是否經常失戀,她說:「其實我唔係有好多失戀經驗,不過有唔少失戀嘅朋友都打電話畀我,同我傾訴心事。每次聽完佢哋嘅故事,我都有得着,所以我呃呃埋埋好多愛情故事,就擺落隻碟度!」