Chilam表示拍親熱戲前，沒有跟太太袁詠儀備案。

張智霖在劇集《衝上雲霄II》中大享艷福，與不少女星有親熱戲，他更坦言因為角色太多負面才接拍，要挑戰自己能力及觀眾底線，更指拍親熱戲前沒有跟太太袁詠儀備案。

Chilam表示拍親熱戲前，沒有跟太太袁詠儀備案。

Chilam不介意演負面角色，盼挑戰自己的能力及演技。

Chilam大談與陳法拉拍親熱戲的感覺，並指心跳得很厲害。

張智霖（Chilam）在《衝上雲霄II》飾演顧夏陽一角，其驕傲和不可一世的性格未有令觀眾反感，反而令首周收視高開，他說：「我冇擔心過往建立嘅善良形象被打破，亦因角色存在太多負面先接拍，我想挑戰自己嘅能力，同挑戰觀眾嘅底線。一開始設定我嘅角色，係要同吳鎮宇個角色有好大反差，咁先有戲劇衝突。」劇中Chilam性格風流，除陳法拉外，還與多位女演員有親熱場面。問到與陳法拉親熱的感覺，他說：「同佢嗰場好激，我心跳得好厲害，同佢合作係幸福，可以代表好多香港男性去演呢個角色。」

問到會否引起太太袁詠儀的不滿，Chilam笑言觀眾都睇得開心，太太都會睇得開心：「佢唔會嬲，演戲咋嘛！（事前問過？）梗係冇，大家保持神秘感，等佢喺電視睇到時，睇到嘩嘩聲就正嘞！佢實嘖嘖稱奇。大家都係演員，明白演戲係咩一回事，佢之前同秋生拍《葉問》，打畀佢問拍緊咩，佢話同秋生拍緊床戲，我仲叫佢拍得開心啲。」

英法之行增進感情

此次拍攝令Chilam留下深刻印象的是與吳鎮宇、吳卓羲、陳法拉、胡杏兒和胡定欣，離開大隊自行由英國乘搭火車到法國，令大家加深了感情：「有一種冒險嘅感覺，過程中發現法拉好懂得照顧人，覺得佢好到契媽一樣，所以之後都叫佢做契媽。」