高海寧色誘唔起Cool魔

高海寧昨日出席《千奇百趣玩Free D》錄影及祝捷活動，以一吋「事業線」成功搶去馬賽與沈卓盈等「峰」頭，主持森美還要求她餵餅，而小儀則被森美掟餅碎，笑言跌晒落「心口」。高海寧獲選最性感時說：「算啦！我着乜都性感，就算樽領都話我性感。不過啱啱拍完劇，間中食吓消夜，所以肥咗少少。」提到《衝上雲霄II》中，梁政珏與其他女演員性感鬥搶鏡，問到她想演哪個角色？高海寧說：「我做香香（岑麗香）啲角色（空姐）得o架喇！我好鍾意袁詠儀，自己配唔起『Cool魔』Chilam（張智霖）。」