萬綺雯食素冇飯開

藝人萬綺雯（蚊蚊）昨日出席活動時笑容滿面，但有傳她早前在內地拍攝無綫劇《食為奴》時受盡委屈，先因劇組狂飛紙仔而喊，其後連飯盒亦被內地演員「拎晒」而冇啖好食，返港後一見老公即攬實喪喊訴苦。不過，蚊蚊否認劇組待遇差，解釋因全劇組只有她食素，不會怪責工作人員忘記為她準備，又澄清因多日不見老公，見面才會眼紅紅，只承認有飛紙仔問題：「演員之間可以溝通，拍啲自己鍾意嘅嘢，感覺難得！（有冇喊？）我唔會喊嘅！」還透露獲內地粉絲送上一本放滿其生活照的書，當中包括已去世的愛貓，令她思貓而哭。