藝人成與敗，全靠背後「軍師」經理人的眼光及鋪路，憑電影《低俗喜劇》成為金像獎最佳女配角的DaDa（陳靜），便全靠經理人施念慈成功助她由性感o靚模進身作家，然後殺入影圈；另一「蛻變女神」周秀娜亦因經理人Roy計仔多多，當年助她於寫真戰「凸圍」，再助她打入內地市場，更發展內衣事業。對於蒼井空經理人以山口百惠等名人來抬高蒼井空，施念慈說：「個個都有言論自由，如果佢係話蒼井空係同其餘三位一樣出名，都OK嘅，但講到貢獻就真係唔知蒼井空貢獻咗啲咩！就算藝人有幾好，點都係人哋讚好啲，起碼可信性都高啲！」而自言認識蒼井空經理人的Roy則聞言爆笑說：「真係爆同惹笑！佢經理人可能好忙，將不同年代嘅人相提並論！不過蒼井空近年都喺內地殺出一條血路！」