祖兒美腿師兄愛
身材Fit到漏的天后容祖兒前晚出席品牌活動時，以性感露腰迷你裙大騷修長美腿，問到男友劉浩龍可有讚其美腿？她即望望雙腳甜笑說：「OK啦！」
Joey穿短裙仔踢踢腳晒玉腿，莫非想騷畀師兄欣賞？
劉浩龍
張燊悅的美腿獲老公大讚，難怪有信心騷Quali。
阿徐爆Eason瘦咗10磅，心癢癢想食拉麵。
Eason獲製作人Dr.Dre捧場，不忘合照。
名模Jocelyn孖住老公Anthony晒恩愛。
吳嘉龍自爆喜歡女性雙足，特別是腳趾。
黃偉文戴「罩」，超得意。
天后容祖兒（Joey）前晚出席Giuseppe Zanotti Design旗艦店開幕活動，同場還有黃偉文、張燊悅及吳嘉龍等。以性感露腰造型亮相的Joey大騷修長美腿，十分搶鏡！談及「鞋經」，Joey表示家裏有數百對鞋，款式齊全：「每次話唔再買都失敗，啲鞋絕對夠開二手鞋舖！」問到男友劉浩龍（師兄）可有讚其美腳靚？她即望望雙腳，然後甜笑說：「OK啦！」又談到早前以性感造型拍MV，她說：「係幾大嘅突破，拍之前幾日唔敢食嘢，有跑步收緊肌肉線條。」問到師弟張致恒（Steven）與模孫旗爆出「一夜情」，她說：「呢個細路咩好同唔好我哋都知，等社會去教佢。佢係比較貪玩，但係善良。佢大個咗喇！肯認都幾好吖！」
阿徐爆Eason瘦咗
同場的徐濠縈表示要趕往老公陳奕迅（Eason）的演唱會招呼朋友，又透露老公瘦了10磅：「佢話想食拉麵，但次次經過都見到好多人排隊。」Eason明天將會在演唱會過生日，但她仍未想到送甚麼禮物：「囡囡整生日卡畀佢，經理人又送名貴手錶。」另外，Dr. Dre和Beats總裁兼首席營運總監Luke Wood日前亦有到場欣賞Eason演唱會。
吳嘉龍腳趾「SM」
同場的張燊悅則表示愛穿高踭鞋，自爆身高只有5呎3吋的她笑言希望增高：「老公有讚我對腳靚，又讚我勤力，我日日喺屋企做到冇停手，又寫嘢、又要湊小朋友，不過佢最鍾意我坐定定陪佢睇電視。」至於吳嘉龍則表示愛欣賞女士美腿，覺得腳趾性感又有「SM」感覺：「我唔鍾意女仔高過我，我冇戀足癖，不過工作時影過Lisa S.（名模）對腳，佢覺得我變態。我事先聲明，之後我有同佢講『你對腳好靚』。」
