吳千語透露將拍攝一部賀歲片及動作片，不介意與男友林峯合作。

吳千語早前被《好報》拍到在健身房練拳，昨日她出席活動時透露，將會拍攝一部賀歲片及動作片，問到會否再與男友林峯合作，她說：「唔知，但唔介意，同邊個合作都冇問題。（如果飾演情侶唔怕尷尬？）唔會，係導演選角，作為專業演員同咩人合作都可以。（唔會辭演？）唔會，我咩類型電影都想試。（男友有冇叫你唔好接性感戲？）我向來唔性感，我呢個年紀唔適合性感。」

吳千語透露將拍攝一部賀歲片及動作片，不介意與男友林峯合作。

與羅力威出席活動的衛詩雅表示，早前在家中撞傷頭。

另外，同場的歌手衛詩雅則自爆早前在家，頭部不慎撞中書櫃的柱，以致不時見暈，她說：「件事發生喺我出發去日本前，最初係一日暈一次，喺日本嚴重到個幾鐘暈一次，返嚟有即刻照腦同心電圖，醫生話我可能係疲勞過度，叫我唔好多心，我諗住有事會再照磁力共振之類，怕腦入面有瘀血。」