黃宗澤半億揸手
現年32歲的黃宗澤（Bosco），跟胡杏兒剛好分手一周年，密密吸金成為城中鑽石筍盤的他，瘋狂買磚頭作投資保值！昨日Bosco出席活動時自爆在港及外地共擁有近十個物業，連同投資生意及手頭現金，估計有逾半億身家。
自爆擁有多個物業的黃宗澤希望效法任達華，每個地方都有自己的屋。
侍母至孝的黃宗澤坦言，所有物業的業主都是母親，笑指她才是筍盤。
衛詩雅（左起）、黃宗澤、吳千語和羅力威，昨日齊齊出席開幕禮。
入行十四年的無綫小生黃宗澤，近年除忙於中港兩地拍劇吸金外，投資有道的他更在馬來西亞搞飲食生意，今年再下一城在港開蠔吧，身家如雪球般愈滾愈大，正當外界一直以為他手持只有沙田銀禧花園三個市值共約1,400萬元的單位時，原來他早已大躍進，買下近十舊「磚頭」，估計有逾半億身家，難怪Bosco昨日與吳千語、羅力威及衛詩雅等出席時代廣場舉辦的《GUNDAM DOCKS AT HONG KONG》開幕禮時極為風騷，他更揚言希望效法任達華在世界各地買樓，果然叻仔！
吸金力強瓣數多
一向吸金力強的Bosco，雖然自去年與胡杏兒分手後緋聞多多，但他一概否認，更積極買樓做生意賺大錢，他坦言小時候喜歡儲模型，最貴買過七千元的模型，現在則喜歡「儲樓」，他說：「阿媽教落買磚頭最好。」
Bosco更「唔聲唔聲」已擁有八、九個物業，部分在東南亞及內地，並發表「拍過劇的地方都有樓」的豪語，又說：「我覺得華哥（任達華）嘅策略幾好，我以佢為目標，每個地方都有自己嘅屋，好勁，可以效法。（全部都升晒值？）啱啱買唔知。」
記者笑指其身家豐厚是城中筍盤，Bosco卻急急否認：「我唔係，我啲樓係，筍唔筍唔係睇身家，係睇吓愛唔愛，愛就筍。（好多人送上門？）地產商呀？我冇人愛，你哋有冇好介紹？（你喺內地唔係有？）有樓冇人。」
其實本月是他與杏兒分手一周年，問到新屋是否欠女主人時，他即時擺阿媽上枱：「有我阿媽，我啲樓寫晒我阿媽個名，如果要害我好簡單，搵人追我阿媽，我阿媽先係筍盤，佢係單身o架！」
