別看梁政珏人仔細細，原來相當大食，差點「鯨吞」整個Pizza，嬲得梁媽媽喪鬧她之餘，更說：「食埋隻狗去啦！」但她當然唔聽話，只是衝上前錫狗狗一啖！

梁政珏雖已32歲，但行為卻十足細路女，有次更因太為食而被媽咪喪鬧！她日前在微博交代「母親鬧爆實錄」，她自爆「大胃王」上身，整整一個Pizza僅食剩兩塊，連自己亦被嚇親！

阿媽大鬧：煩死人

為免嚇壞媽咪，她主動投案，故作平淡地說：「咦！食剩兩塊添！嘻嘻！」怎料梁媽媽看見剩下的兩件Pizza後嚇到眼凸凸，鬧到女兒有氣冇碇抖：「哎吔哎吔哎吔！（超高音）你一個女仔食晒成份Pizza？你又話怕肥？你到底做乜嘢o架啫‥‥‥你唔好食啦你！食完又減！減完又食！」梁政珏以為媽咪已鬧夠，怎料話口未完，梁媽媽再度出擊，而且語出驚人：「你真係煩死人呀！食埋隻狗去啦！」梁政珏愛狗如命，當然不會「遵命」，反而衝上前攬着狗狗狂啜，為狗狗定驚！