李克勤推出新專輯，獲唱片公司人員敬酒祝賀。

李克勤昨日出席《發燒專輯記者會》，環球唱片香港董事總經理黃劍濤特別為克勤送上「復克寶箱」，箱內放滿他當年的黑膠唱片及經典Cassette帶。克勤拿起其中一張黑膠碟說：「畀我個仔睇都未必認得我。」並透露右眼因發炎而未能戴隱形眼鏡：「依家得左眼有戴隱形眼鏡，搞到睇嘢冇深度同頭暈，做完嘢要即除。（睇咩睇到隻眼發炎？）睇囝囝沖涼算唔算？」將於12月與譚詠麟（校長）再度舉行演唱會的他笑說未有老花：「校長冇嘅嘢我唔敢有！（唔係新年搞騷咪冇得逗利是？）唉！要開個記者會講呢件事！」

李克勤推出新專輯，獲唱片公司人員敬酒祝賀。

克勤右眼發炎，惟有單起隻眼望觀眾。