洪永城獨冧大隻妹

藝人黃翠如（Priscilla）與洪永城（Tony）昨日為日式食肆擔任開幕嘉賓，即場主持扑清酒桶開幕儀式。黃翠如表示不知情侶檔會否有較高酬勞，一切由公司處理：「可能酬勞仲會低啲，仲要我照顧番佢！」兩人在銀幕前猶如鬥氣冤家，問到會否真的成為真情侶？她笑說：「佢嫌棄我o架！佢鍾意運動有肌肉嘅女仔，條件唔係我呢啲。（冇機會一齊？）機會難過中六合彩！（新劇有接吻戲？）諗起佢啲蛀牙都頭痛！」而洪永城則表示一直希望幫對方找男友：「我有同朋友講約到翠如BB出嚟，好多朋友唔信我，當我講笑。有啲朋友怕高攀唔起佢，又有朋友怕畀網友知道約到翠如BB會招殺身之禍，全部都唔敢出嚟！」