待嫁新娘圓圓於現場大談婚事，似是充滿期待！

「宇宙最強」甄子丹將踏入50歲，今年同時是他與太太汪詩詩結婚十周年，而詩詩妹妹圓圓也於年底出嫁，可謂喜事重重！圓圓昨日任婚嫁鑽飾系列模特兒時透露，母親已預備了嫁妝給她！

待嫁新娘圓圓於現場大談婚事，似是充滿期待！

低胸上陣的圓圓（左二）與模特兒站在一起並不輸蝕，頗有睇頭。

臨近生日的子丹任影唔嬲，真係人逢喜事精神爽！

周大福昨日與Forevermark合作呈獻「天鵝婚嫁鑽飾系列」活動，大會特別請來於11月30日結婚的汪圓圓示範，她表示未婚夫蔡加讚會在節日送首飾，而父母及老爺奶奶也預備了首飾給她做嫁妝，問到媽媽可有傳家之寶給她？她說：「媽咪畀我嗰啲就係嫁妝，因為佢有兩個女，所以準備咗兩份！（首飾係新定舊？）有啲新有啲舊，但我覺得佢戴過仲有意思，如果有佢着過嘅婚紗仲好，但我應該唔啱着，因為媽咪好Fit！」

頭痕生日大禮

問到待嫁心情？圓圓說：「都有少少緊張，原來做公關唔容易，依家淨係搞嘉賓名單都好頭痛！」此外，提到姐夫子丹快將50歲生日，圓圓大讚他Keep得好：「今年家姐都好忙，佢同姐夫結婚十周年，姐夫又50歲生日，但我覺得佢一啲都唔似50歲，同家姐都好後生，要諗一份大禮送畀佢哋！」

而子丹昨午與太太詩詩及名媛好友周美鳳茶敍，但約六時他先行離去，戴上墨鏡的他見到記者大感愕然，但仍大方任影。提到太太打算為他舉行私人派對慶祝五十歲生日，他卻扮作不知情說：「係咩？唔知喎！（想要咩禮物？）香港經濟好，大家身體健康就係最好嘅禮物！」對於其員工與周美鳳鬧出勞資糾紛，他笑說：「向來冇事！」