岑麗香（左起）、米雪、江美儀、朱晨麗和單立文，齊舉杯祝捷。

米雪、吳卓羲（Ron）、江美儀、岑麗香、朱晨麗和單立文等，昨日出席劇集《衝上雲霄II》祝捷，對於張智霖（Chilam）扮演的「Cool魔」艷福無邊，Ron笑言非常妒忌：「Chilam拍完都有同我講番過程，冇法啦！我要連貫上集角色，冇理由突然變得咁風流，希望如果開第三輯可以加番少少啦！唔好淨係得杏兒。」Ron不敢許下承諾慰勞觀眾：「我驚人話我好似黃宗澤咁反口，我自己都接受唔到着泳褲，會見到腳毛喎！依家又播緊，費事我着泳褲拖低收視啦！」

岑麗香（左起）、米雪、江美儀、朱晨麗和單立文，齊舉杯祝捷。

吳卓羲坦言妒忌「Cool魔」艷福無邊，盼拍續集增加戲份。

席間公布劇集上周錄得最高35點，平均收視31點，成為今年首集、首周及單周平均收視之冠，而第一集跨平台總收視率錄得38點，陳法拉、胡杏兒和吳鎮宇雖然缺席，但也透過錄音打氣，鎮宇說：「我做緊嘢嚟唔到，第一個星期已經有慶功，真係多謝支持。」