贏足四集的鄭俊弘獨領風騷，難怪受訪時咁佻脫！

鄭俊弘（Fred）於歌唱節目《星夢傳奇》「4連霸」，人氣爆燈！反觀何傲兒花盡心思以古裝造型亮相，可惜第一粒音已走到「離天萬丈遠」，靚女即時爆喊！

贏足四集的鄭俊弘獨領風騷，難怪受訪時咁佻脫！

何傲兒和敖嘉年以古裝情侶角色獻唱，橋就掂喇，可惜傲兒走音被Foul。

鄭俊弘邀得單立文合唱，仲夾埋一齊着西裝褸。

大露背的陳明恩與今集拍檔王君馨拖住手受訪，幾好感情喎！

無綫《星夢傳奇》前晚錄影第4集，大玩主題「扶持」，鄭俊弘（Fred）請來單立文（豹哥）合唱《If I Fell》，繼續以最高分順利過關。何傲兒則邀來忙於拍劇的敖嘉年合唱《選擇》，更齊以古裝打扮合演亂世情侶，務求於聽覺及視覺方面力臻完美，可惜傲兒甫開口已失準，結果只拿得140餘分失去晉級資格。面對如此成績，靚女不禁落淚，評判之一的周啟生憐香惜玉，讓傲兒再唱一次，結果她順利獻唱，難怪事後形容自己「發台瘟」。

王君馨陳明恩催淚

而豹哥昨接受電話訪問，他覺得Fred的前晚略嫌緊張，可能是因為要兼顧彈結他：「其實我睇好佢，又唱得好又乖仔，可能近日佢工作多咗，希望學識調節生活節奏。」而新加入「戰團」的王君馨（Grace）及陳明恩以《Amazing Grace》順利過關，歌聲及合拍度更令評判露雲娜感動落淚，然而賽前Grace已衝口而出，表示欣賞過明恩第5集的參賽歌曲，莫非她已預見拍檔能過關？而郭偉亮（Eric Kwok）透露稍後要返美國探親，相信未能為復活賽擔任評判。