郭富城與卡通人物阿童木互Chok甫士鬥型仔。

「富黛戀」終結多時，郭富城和熊黛林（Lynn）忘掉過去。日前Lynn表示已刪除城城手機號碼，又爆和追求者互相了解中。而城城對舊愛不欲多談，但仍祝福對方，更強調享受做單身貴族，樂得清閒！

郭富城與卡通人物阿童木互Chok甫士鬥型仔。

新鴻基地產代理有限公司租務總經理馮秀炎（左）也有出席活動。

今年是日本經典漫畫「小飛俠．阿童木」的50周年紀念，昨日郭富城、新鴻基地產代理有限公司租務總經理馮秀炎及手塚治虫第二代繼承人松谷孝征出席「apm八周年 X 小飛俠．阿童木放送50周年祭啟動禮」。心情極佳的城城與「阿童木」滿場飛，互Chok甫士鬥型仔，秒殺近千名觀眾，尖叫聲此起彼落。

城城表示人要在工作以外尋找生活樂趣，自己最愛賽車和養馬，問到何時「養人」，他笑說：「其實我都有員工要養！依家好享受單身，呢刻多啲時間畀自己做更多嘢。」前「城嫂」熊黛林日前與他劃清界線，表示不再留戀，已刪除其手機號碼。對感情事低調的城城亦拒絕再談舊愛：「唔想再答，唔好再答喇。（佢話有人追喎？）唔想回應，過咗去嘅嘢就由佢。（等緊新開始？）係啦！祝福佢，其他嘢就唔講。」

想演風流角色

城城笑言沒留意好友張智霖的新劇，當得知對方飾演風流飛機師大受歡迎時，他說：「係好事，最緊要觀眾受落。我自己電影都冇做過呢啲風流角色，都可以試吓！」提到張學友有意客串由他自編自導自演的新戲時，城城說：「有個角色好啱佢做，其實我哋好多年前都有合作過拍戲，佢係好好嘅演員！（佢話想做影帝，你個角色幫唔幫到佢？）影帝呢樣嘢要好多嘢配合嘅！」問到Lynn可有機會參演一角，他說：「最緊要適合。」