菁瑋認與譚晴「過電」

學粵劇出身的菁瑋一直醉心演藝事業，舞台劇表演經驗豐富的她最近又有新搞作，準備演出經典音樂劇《油脂》，身為劇團大師姐的她今次與師弟妹身份對調，由導師變成演員，任由「升呢」做導演的學生指導演出。菁瑋在劇中飾演女仔派的大家姐，更自爆會有狂野演出：「喺入面做反叛少女，仲係女仔派別『粉紅女郎』嘅大家姐，會有床上戲……不過係女仔嘅睡衣Party，會Wild（狂野）少少。」與拍檔譚晴飾演一對的她又透露會有不少「激烈」場面：「入面有好多場舞會戲，其中最大型嘅一場會出盡渾身解數，同譚晴有好多翻天覆地嘅場面。」雖然與譚晴多次在香港電視合作拍劇，但卻是首次合作音樂劇兼飾演情侶，她更笑言對拍檔有「過電」的感覺：「唔過電就做唔到情侶！」