吳卓羲表示對親熱戲冇要求。

吳卓羲早前於內地拍劇，甚少於香港露面，在《衝上雲霄II》中，他會延續上一輯的角色，飾演吳鎮宇弟弟，更與胡杏兒飾演一對。被問到與杏兒有沒有親熱戲時他打趣的說：「劇中嘅親熱戲交晒畀馬國明同張智霖（Chilam），（係咪好蝕底？）唔會喎，我冇要求，可能Chilam有同監製要求。劇中Chilam係我好欣賞嘅機師，不過佢經常飛女，我就要出面幫佢處理，（現實生活中你都好擅長做呢啲嘢？）冇喎！都冇人叫我咁做！」稍後他會留港拍劇，問到在內地拍劇搵不少，他即說：「我呢啲係『蚊型賺錢』，比起好多人，唔係搵好多。」提到與傅嘉莉的緋聞，他坦言劇中對方愛他，但拍完後大家只在工作場合中才碰面。談到對方曾於訪問中表示他們發展中，他說：「我問過佢，佢話記者歪曲事實。我再講一句，我以前冇同佢拍過拖，今日都冇，將來都冇可能同佢拍拖！」

吳卓羲表示對親熱戲冇要求。

吳卓羲坦言與傅嘉莉在戲裏是情侶，但在戲外卻冇可能。