鄭俊弘嘔天光患比賽恐懼症

在無綫歌唱比賽《星夢傳奇》的芸芸參賽者中，彈出了入行近十年的鄭俊弘（Fred）。曾獲2001年《全球華人新秀大賽》亞軍的Fred，當年遇上唱片公司倒閉，歌唱夢碎，其後加入無綫做藝人，今年在經理人鼓勵下參加比賽，Fred說：「好開心大家有留意我，都係平常心去面對比賽。」當年放下歌唱夢想亦曾感到迷惘，但他沒有放棄音樂：「依家諗番只係放低一個身份，其後我都發覺自己鍾意做戲，買咗好多書研究。」

雖然Fred在台上看似淡定，但他自爆曾有「比賽恐懼症」，無論在任何比賽之前都會狂嘔到天光，他說：「讀書嗰陣我有參加過唱歌同武術比賽，每次唔知點解都會瞓唔着，仲會攬住個馬桶嘔到天光。」

同Friend夾Band冇錢賺

Fred年幼時在家人薰陶下對音樂產生興趣，他說：「細個屋企人成日播音樂，二舅父夾Band，小學6年班時學校要我哋學樂器，一學結他就鍾意到依家。」2008年他與友人組成樂隊「Home」，在酒吧及網上平台唱歌，即使沒有酬勞也不介意：「有時有杯啤酒飲，冇所謂啦，有歌唱就得！」他又曾為「心頭好」節衣縮食：「我買過最貴嘅一支二手結他要成萬六蚊，係全人手製造，我食麵包儲咗好耐錢，仲諗過去銀行借錢！」

此外，Fred日前錄影第三集時蟬聯冠軍，難掩興奮的他說：「其實公司唔畀講，話會冇神秘感！」第四、五集將於明、後日錄影，他坦言不夠時間練習。有傳環球唱片有意簽他，但他表示沒有人接觸過他。