JW到沙灘打排球，可惜打到雞手鴨腳。

JW和應昌佑（Charles）昨日趁炎炎夏日拉大隊到沙灘打排球，豈料兩名初哥落場打到雞手鴨腳，Charles更向師妹送上波餅，慘食波餅的JW即場痛苦大嗌：「好痛呀！」

JW到沙灘打排球，可惜打到雞手鴨腳。

應昌佑不小心將球打在JW面上。

JW面容扭曲兼大嗌，應昌佑即在旁慰問兼道歉。

黎明旗下歌手藝人JW和Charles昨日到沙灘打排球，以一身夏日運動Look登場的JW大晒美腿和小蠻腰，令人眼前一亮。可惜原來她只是空心老倌，一落場即「現形」，雞手鴨腳，頻頻將排球打落網底。而一旁的Charles表現亦不遑多讓，中途更發生意外，將排球打落JW左邊面上，向對方大送波餅！硬食波餅的JW應聲大嗌：「我好想笑但又想喊，真係好痛！」而誤中目標的Charles即緊張上前向JW慰問兼「補鑊」。

曾爆微絲血管

JW透露求學時期有打排球：「中學嗰陣有玩過，可能唔識玩，成日打到爆微絲血管，又打到隻手腫晒。」身邊Charles則指喜歡(目及)女同學多過落場打：「讀書嗰陣鍾意睇女同學打波，鍾意打排球嘅女仔通常身材唔差。」他希望這次打排球帶出正面訊息，鼓勵更多人出外做運動，不要躲在家中上網和玩手機。

另外，Charles又透露近日積極健身，以最佳狀態拍攝《喜愛夜蒲3》。問到戲中有激情部分可有問准老婆？他說：「老婆冇反對，只要自己唔除底褲，同埋唔除人哋底褲，不過攬、錫嗰啲親熱動作好難避。」