任達華(左二起)、文詠珊及惠英紅在沒有冷氣的小巴上拍攝,相當辛苦。

任達華、惠英紅、文詠珊及Shine等日前於大埔拍攝新片《那夜凌晨,我坐上了旺角開往大埔的紅van》煞科戲,由於劇情需要,眾人穿上密不透風的保護衣,於一架沒有冷氣的爛小巴上拍攝,個個焗到汗如雨下。一向捱得的任達華,更強調當晚並非最辛苦:「之前曾經試過喺34、5度天氣下拍類似呢場戲,真係拍到嘔,返屋企要沖幾次涼降溫。不過呢套戲我做收數佬,幾搞笑,個劇本觀眾都應該會喜歡,辛苦都冇所謂!」

任達華(左二起)、文詠珊及惠英紅在沒有冷氣的小巴上拍攝,相當辛苦。

近期工作不斷的任達華,透露完成手上的工作,便會跟太太琦琦及女兒旅行:「應該會去英國、維也納,維也納係我同太太結婚嘅地方,加上有物業喺嗰度,久唔久我哋都會返去住,順道會去睇吓英國有冇啲偏僻嘅森林地方,可以畀我執導嘅下一部戲取景。」