嚴母陳倩揚拒令囝囝成為「港孩」。

前港姐陳倩揚昨日在書展出席兒童教材的攤位活動，她表示着重教囝囝品德，故特別鍾情教育小朋友品德的教材：「依家啲後生仔可能爸爸媽媽好錫佢哋，所以好嬌縱，三歲定八十，我小朋友兩歲，仲有一年。」

嚴母陳倩揚拒令囝囝成為「港孩」。

她指最不接受囝囝亂發脾氣：「我唔會打同鬧，但會睩大眼望住佢！（老公配合？）佢仲硬心腸同嚴過我，我通常係扮惡，但佢就真惡！我自己都會心軟同肉赤，不過我哋協議咗我教嗰陣佢唔插手，佢教嗰陣我都唔插手！」