大晒美腿的Rainky，狠批模「飛釘漏M」過晒火！

「魔鬼胸」蔚雨芯（Rainky）到電台宣傳新歌順道谷寫真，暫未打算踩入書展宣傳的她，對於一班o靚模如孫旗以奇招「飛釘」及「漏M」博出位感到誇張︰「我唔會夠膽，要尊重父母，佢哋畀我咁靚嘅Body，唔應該做咁過火嘅行為。」更質疑孫旗指因心情太過興奮而「飛釘」的說法。

大晒美腿的Rainky，狠批模「飛釘漏M」過晒火！

騷肌教拳的顧又銘（左起）、King及Dominic，有姿勢又有實際。

至於前日被劉老闆狂掃處男寫真的三位肌男何浩文（Dominic）、趙勁皓（King）及顧又銘，昨晨於拳館騷肌教粉絲打拳，昨日Dominic及King加印的4千本寫真，有部分已出爐，聯同顧又銘的處男作首次示人，問到是否已安排與劉老闆見面，Dominic說︰「做埋手頭上工作先。（推Job去見面更有誠意？）劉老闆都好支持我哋工作，唔怕特別要求，識得保護自己。」提到不少o靚模於書展首日以奇招博出位，三子狂插是壞風氣，故不會買來看。