早前《好報》踢爆張栢芝為了讓囝囝Lucas(謝振軒)及Quintus(謝振南)有舒適的學習環境,不惜計劃移居加拿大溫哥華,儘管昨日謝霆鋒經理人稱霆鋒對事件不作回應,但據知栢芝在當地為囝囝搵學校一事已經獲前夫霆鋒同意,而栢芝亦會趁學校假期帶囝囝返港,讓他們與霆鋒等家人見面。

不過,愛錫Lucas和Quintus的爺爺謝賢,似乎對事件不太了解,他昨日在電話訪問中酸溜溜地說:「我唔知呀!佢哋屋企嘅事我點會知,唔捨得都要o架!人哋要帶佢哋去嗰邊吖嘛!(飛過去?)有機會一定會!」他還心急地反問:「佢哋都係去讀書啫,會返嚟o架嘛?你哋記者仲清楚過我,不如有咩消息話番畀我知啦!」盡帶不捨之情。此外,昨日有網友在微博表示遇見栢芝與兩位寶貝仔在加拿大游水,並上載合照。