陸浩明挑戰室內跳傘，即時化身特工展身手！

懂得享受生活的無綫藝人陸浩明（6號），每逢有空就會去旅行放鬆。要數最值得遊覽的地方，6號二話不說即推介杜拜！短短6日的旅程令他大呻「唔夠喉」，而最令他回味的可說是於杜拜商場內的室內跳傘。6號愛玩X-Game（極限遊戲），故一提起該次經驗即滔滔不絕：「之前喺新加坡都想玩o架！但太貴，今次喺杜拜玩，計番都係港幣五百幾蚊，相當抵玩！」

陸浩明挑戰室內跳傘，即時化身特工展身手！

這項遊戲名為「iFLY」，原理是用一部巨型風扇吹起整個人，玩家要運用肢體動作來平衡身體，聽落簡單，其實亦有一定難度！6號憶起當時的情景仍甚為興奮：「其實都有離心力，一平衡唔到就會成個人打側。第二階段會再激啲、大風啲，直情覺得似係拍緊《Mission Impossible》（職業特工隊）！我見人哋玩得再勁啲可以沿住牆行同打觔斗！」