連詩雅舊愛又爆臭史！！

連詩雅（Shiga）舊愛曲赤前晚九時許在Facebook留言表示，太太Haylie阻止他與2歲女兒雪瑩（Jacy）見面多時，更揚言要找律師、傳媒及報警處理：「我忍夠你啦……我真係唔鍾意將家事打出來，我真係冇辦法！」留言發出不足半小時，太太留言反擊曲赤沒盡過父親責任：「個女依家差唔多兩歲，就係出世嗰時畀過兩萬蚊話畀個女買奶粉……但大家覺得兩萬蚊夠養個女兩年嗎？」她再爆曲赤寧願買限量版玩具亦不養女，曲赤則反駁：「畀咗兩萬蚊個囡，如果只係買奶粉同尿片，應該夠用一年……為甚麼你要這樣抹黑我？你這貪心的女人……」他不但自爆經濟能力欠佳，揚言兩萬元奶粉錢亦是向銀行借，又怒斥太太不信任自己。

罵戰歷時20小時

兩公婆在網絡上互數對方不是，歷時逾二十小時，當中不乏令人咋舌的用字及語句，又不時爆粗辱罵，令人難堪。不少朋友留言勸家醜不出外傳，但曲赤未有理會，更愈爆愈臭！雖然兩公婆勢成水火，曲赤留言中更透露已經分居，但亦有上載與女兒Jacy合照：「爸爸超級超級掛住你！我好想見到你……無人可以分隔我哋！」至截稿前未能聯絡上Shiga。

另外，Shiga昨午出席活動，平時少入廚的她自言最叻整甜品。對於擔綱主演的電影《喜愛夜蒲》的第三集日前試鏡，大批胸模爆乳現身，甚至走光露暈博出位，Shiga笑說：「可能夏天啦！（你當日着咩爭取到個角色？）冇試過着泳衣面試，我冇嘢睇。」又表示未必接拍第三集：「觀眾都未必想睇我，咁悶。」對於導演錢國偉鬧爆模Ar Yu借《喜》片海報訛稱是女主角到內地登台，Shiga說：「證明套戲掂。」

曲赤（K-Chek）

職業：饒舌歌手、音樂創作

入行：2004年起在品牌活動表演Rap，曾參與吳卓羲歌曲《愛瑪士小姐》Rap部分。去年爆出與歌手連詩雅及陸永太太的慾照，成為話題，今年多次與胸模許穎拍檔登台。