吳尊力證200%無添加

吳尊、樂基兒、周汶錡、林德信、鄧愛嘉、曹穎惠和郭子豪等前晚出席意大利品牌Gucci酒會。逾百名粉絲一早在場拉橫額支持吳尊，他甫到場即成為焦點，場面墟冚。他透露今次由汶萊飛來香港，行程緊密，因忙於為父親打點事務及籌備擴充健身中心，問到是否生意很好？他笑說：「唔係，呢個係我嘅夢想。」又稱正收看劇本，卻未能透露詳情，至於會否大騷胸肌？吳尊說：「應該唔會！」

林德信揀女先睇腳

對於有網民指飛輪海成員汪東城（大東）與唐禹哲整容，更愈來愈似樣，他力撐好友：「可能係身材好咗，佢哋應該唔會整容，只係髮型唔同，帥氣咗，又或者曬黑變瘦咗係好事。（你分唔分到佢哋先？）分得到！我哋兄弟幾多年呀？點會分唔到。（介意人哋整容？）呢啲睇個人決定，我對自己很滿意，感謝父母恩賜。」

問到是否覺得完美？他反應甚大的說：「梗係唔係，冇人係完美，但心裏面要學會完美。（咁你係咪100%自然先？）係200%呀！（介唔介意另一半整容？）唔介意，整容太普遍，有40至60%嘅人都有整容，我鍾意人嘅內心同性格，唔係個樣。」他又笑言不懂得分辨整容人：「有朋友教我嘴郁，鼻唔郁，係整容！自己唔知真定假。」記者即叫他表演一下，他作狀攞咪打鼻：「我唔識郁畀你哋睇，但我係真o架！」

而林德信自爆入行前，曾想過當鞋履設計師，問到是否愛欣賞女性的美腿？他直認不諱：「當然！好多出名設計師都話過要着高跟鞋靚，要有好身材。（揀女友都會留意腳靚？）都會留意。（戀足癖？）唔識答，會留意。」當問到看到女人腳靚時會偷拍？他反應甚大的說：「唔會！咁變態！」談及緋聞女友姜麗文與一唱揚名的鄭俊弘傳緋聞，他坦言剛回港，不知發生甚麼事：「我唔知佢同其他人嘅關係，我同佢係好朋友。（拍過拖未？）未！」

樂基兒黎明冇聯絡

至於樂基兒自與黎明分開後，回港一直住好友家或酒店，對於被指住低級酒店，她說：「住邊唔係問題，讚我或者話我唔好都唔會理，我有自己生活。」又稱與黎明已沒有聯絡，又否認外間所指離婚後生活質素下降，只是外間人覺得不同，但自己冇變過。