Ivy家中設有專放飾物的鏡櫃，收藏逾百件首飾。

女子跳唱組合MVG成員周曉彤（Ivy）家中有化妝間，當然收收埋埋很多珍藏，原來她有個專放飾物的鏡櫃，Ivy將耳環、頸鏈和手鏈齊齊收好：「個櫃就係蕊蕊（陳蕊蕊）送嘅，我好鍾意o架！裏面可以放唔同類型飾物，外面就係鏡，真係啱晒我收埋啲飾物，唔使四圍擺。」

Ivy家中設有專放飾物的鏡櫃，收藏逾百件首飾。

Ivy最愛毛茸茸的東西，故大部分耳環都有羽毛。

喜歡周遊列國的她透露，很多飾物都是從外地買回來，別具意義，不知不覺儲起逾百件，她更指平日喜愛毛茸茸的東西：「我啲耳環好多都係有羽毛，感覺好軟綿綿，而且用嚟襯衫，浮誇之餘，都好高貴。」雖然花多眼亂，但Ivy指每次出活動或出街都盡量不用重複的飾物：「可能今日戴完，我會隔一排先再戴，咁樣感覺會好似係新嘢！而且唔同配搭又會有新鮮感，適合我哋百變形象，活用每一樣飾物。」