JuJu打得亦「入得廚房」，憑一味煲仔飯已經可以鎖住男人心。

求愛騷近日成為全城熱話，陳鈺芸認為要成功就要提升魅力及自研鎖仔秘技，她相當重視男性的餐桌禮儀，更曾有男士出醜而被她扣分！

JuJu打得亦「入得廚房」，憑一味煲仔飯已經可以鎖住男人心。

求愛騷令JuJu慨嘆拍拖應該展現真性情。

JuJu曾為男友改變自己，最後選擇忠於自我。

識飲識食的JuJu相當重視餐桌禮儀。

求愛真人騷成為近期的熱門話題，不乏戀愛經驗的武打女星陳鈺芸（JuJu）則反對過分包裝自己，應展現最真的一面，原來她亦曾因嘗試自我改變而得到「教訓」，她說：「喺美國讀書時，有個男朋友好想改變我，唔畀我化妝、着短裙，我試過迎合佢口味，但太辛苦，最後覺得可能佢份人太冇自信，好怕畀人撬牆腳。」

她又認為要將愛郎追到手兼「鎖」得住，身為女人必須有一套「御仔之術」！她自爆「撒手鐧」是煮煲仔飯：「以前個男朋友成日主動去我宿舍食我嘅煲仔飯，多啲食住家菜好過食街外啲『味精嘢』！」

出書教食西餐

至於揀男友有何心得？JuJu認為觀察對方的餐桌禮儀可作考慮條件。她透露曾與一位男士食法國菜，對方不懂看食譜之餘，當侍應端上餐前小食時，他更說：「我哋冇點過，拎番走吖！」十分失禮！所以JuJu希望透過新書教授餐桌禮儀，教大家食西餐，幫宅男宅女「升呢」！