Winkie安慰Crystal 解情傷心結
女子組合HotCha成員張紋嘉（Crystal）及黎美言（Winkie）日前接受《娛樂onShow》專訪，Crystal自認情路有點坎坷，幸得Winkie從旁開解，令她解開不少心結。
Crystal（左）及Winkie與主持俞詠文（中）打成一片，齊齊Chok甫。
即席獻唱的Crystal七情上面，莫非趁機發洩？
Winkie雖出力安慰好友Crystal，但不無感慨。
向來甚少公開感情狀況的Crystal及Winkie，其實在愛情路上均遇到不少煩惱，日前二人接受由俞詠文主持的ontv《娛樂onShow》專訪剖白心中情，Crystal表示每次拍拖都很投入，因此往往受傷害至深，她笑言有點坎坷：「Winkie比我樂觀，佢有時都勸我唔好咁投入。（為仔死為仔亡？）我會將對方放到好大，例如生活上會好遷就佢，會諗佢先，但日子耐咗就會好多問題，因為佢會覺得一切係理所當然。」身旁的Winkie說：「有時同佢傾偈，佢會將自己諗得好唔開心，但件事可能唔係咁嚴重，但佢成日好唔開心，令到身邊人都好擔心。」
得到好友Winkie的勸解，Crystal也解開了不少心結，她更將這些情緒透過文字抒發出來，於今年書展推出愛情小說《聽瘋說的女孩》，她透露新書集合愛情、懸疑及血腥情節，為了將故事更立體地呈現，她聯同插畫師加入不少繪本：「係我第三本書，入面有愛情，亦有幾恐怖嘅故事，有個朋友每年都會買嚟捧場，但其實佢驚到唔敢睇，真係估唔到！」
「戀」上人夫
提到早前兩人上《勁歌金曲》時自爆圈中心儀對象，Winkie表示一直喜歡人夫黃浩然，Crystal則由喜歡方大同「變心」愛上彭于晏，她尷尬地解釋：「唔可以再講我鍾意方大同，因為見面會好尷尬，所以我要講一啲冇乜機會見到嘅人，咪講彭于晏！」Winkie則不擔心公然向浩然示愛：「佢係夢中情人啫，又唔係真！」
